MASTERS OF THEIR CRAFT REFINE THEIR SKILLS OVER TIME

There are no shortcuts to wealth creation. It’s about doing the right things at the right times, over and over again. We don’t believe in cutting corners or compromising on our values for short term gains.

Aug 31, 2016

Beleggers moet dapper wees se kenner op welvaartkongres

ROCCO CARR, sake-ontwikkelingsbestuurder van Glacier van Sanlam, lei ’n paneelbespreking met, van links, prof. Johan Willemse (landbou-ekonoom verbonde aan die Universiteit van die Vrystaat), Jacobus Lacock (portefeuljebestuurder en makro-strateeg by Fairtree Capital), Francis Marais (navorsings- en beleggingsontleder van Glacier van Sanlam), Peter Armitage (uitvoerende hoof van Anchor Capital) en Fred Grunewald, (gesertifiseerde fondsbestuurder by Coronation). Foto’s: Christiaan Cloete

HOU eerder die langtermyn-welvaart van jou besigheid in gedagte as om kortsigtig te wees wanneer jy beleggingsbesluite neem.

Dit was die raad van prof. Johan Willemse, ’n ekonoom verbonde aan die Universiteit van die Vrystaat se departement landbou-ekonomie, aan beleggers by Volksblad, Glacier en Jenwil se Welvaartkongres wat Donderdagaand (25/08) in Kimberley gehou is.

Willemse se toespraak het spesifiek gehandel oor ekonomiese realiteite en die individu se besigheid.

Met die waarskynlikheid van ’n afgradering van Suid-Afrika se kredietwaardigheid tot rommelstatus, lae kommoditeitspryse en ’n ontstuimige politieke klimaat, bevind beleggers hulle tans in ’n onsekere beleggingsklimaat.

Die kongres het ten doel gehad om beleggers raad te gee oor hoe hulle die ekonomiese brandpunte in ’n moeilike beleggingstyd behoort te hanteer.

Volgens Willemse maak beleggers dikwels die fout om op ’n kortsigtige wyse op grond van politieke gebeure van die dag, besluite te neem terwyl dit in hul beste belang is om eerder verby die politieke geraas te kyk en ’n langtermyn-beskouing van die ekonomie te handhaaf.

Willemse meen dat beleggers dikwels vergeet dat markte in siklusse werk en nie noodwendig in reguit lyne nie. Om sy punt te illustreer, het hy die impak wat politieke en ekonomiese gebeure vandag op plaaslike markte het, vergelyk met die impak wat dit gedurende die tagtigerjare (voor die einde van apartheid) op markte gehad het.

“Hou in gedagte: Zuma gaan daar wees, PW gaan daar wees. Dit is belangrik om jouself dus af te vra waarheen jy wil gaan en om ’n strategie in plek te hê. Dit is belangrik om te weet waarheen jy op pad is en om op jou besigheid te fokus,” sê Willemse.

Willemse het benadruk dat daar nie geld gemaak word wanneer dinge stabiel bly nie, maar eerder wanneer dinge verander.

’n Paneelbespreking wat deur Rocco Carr (sake-ontwikkelingsbestuurder van Glacier van Sanlam), gelei is en kundiges soos Peter Armitage (uitvoerende hoof van Anchor Capital), Fred Grunewald (gesertifiseerde fondsbestuurder by Coronation), Francis Marais (navorsings- en beleggingsontleder van Glacier van Sanlam) en Jacobus Lacock (portefeuljebestuurder en makro-strateeg by Fairtree Capital), ingesluit het, is na afloop van Willemse se praatjie gehou.

Die kenners is onder meer gepols oor belangrike gebeure in Suid-Afrika en elders in die wêreld en hoe dit markte gaan raak.

Armitage meen daar word nie verwag dat China, die wêreld se grootste invoerder van kommoditeite, se vraag na kommoditeite binnekort gaan groei nie, aangesien dit reeds enorm is.

Lacock meen dat China besig is om ’n ommeswaai van ’n produksiegedrewe-ekonomie na ’n verbruikersekonomie te maak.

Grunewald bly optimisties oor ontluikende markte as beleggingsmoontlikheid en meen dat dié markte vir die volgende 10 tot 20 jaar steeds ’n beduidende rol in beleggingsportefeuljes speel.

Hy het benadruk dat daar wel risiko daaraan verbonde is om in ontluikende markte te belê, maar dat groei na verwagting veel hoër sal wees in vergelyking met dié van ontwikkelde ekonomieë.

Marais deel Grunewald se siening maar meen dat daar baie meer ontluikende ekonomieë is as bloot China en Brasilië, die twee ontluikende ekonomieë waarop daar gewoonlik gefokus word.

Marais meen dat ’n land soos Ethiopië, met ’n bevolking van oor die 70 miljoen mense en die wêreld se grootste land sonder ’n gevestigde aandelebeurs, groot geleenthede aan beleggers kan bied wat dapper genoeg is om in dié ontluikende mark te belê.

Regeringsinmenging het tot dusver die meeste beleggers van dié ontluikende ekonomie afgeskrik.

  • Die kongres het ook ’n kort bespreking ingesluit rondom staatsamptenare wat uit die staat se pensioenfonds (GEPF) bedank, asook die bekendstelling van ’n unieke produk wat ’n tekort aan inkomste aanspreek wanneer ’n persoon langer leef as wat voorsien word.

Die gewilde kongres vind reeds die afgelope drie jaar jaarliks plaas en is vanjaar die tweede keer in Kimberley gehou.

IN THE PRESS

MORE FROM

IN THE PRESS

Oct 13, 2017

1st in Morningstars SA Asset Manager Ratings Q3

  See the full list below: Morningstar_Rating_Analysis_of_South_African_Domiciled_Asset_Managers_Q3_2017

IN THE PRESS

Oct 13, 2017

The Rise of Passive – Blessing or Curse?

Funds on Friday – Glacier by Sanlam

IN THE PRESS,INSIGHTS

Oct 05, 2017

Stock Watch-3 Oct 2017

Latest episode of Stock Watch with Jean Pierre Verster

IN THE PRESS,MEDIA

DISCLAIMER

Investors should take cognisance of the fact that there are risks involved in buying or selling any financial product and that past performance of a financial product is not necessarily indicative of its future performance. The value of financial products can increase as well as decrease over time, depending on the value of the underlying securities and market conditions. 

Hedge funds are portfolios of collective investment schemes and are regulated under the Collective Investment Schemes Control Act, 45 of 2002. Investments in portfolios of collective investment schemes are generally medium to long term investments. Collective investments are traded at ruling prices and may engage in scrip lending and borrowing. The manager of a collective investment scheme may close a portfolio to new investors in order to manage the portfolio more efficiently in terms of its mandate.


The information and documentation presented on this site do not constitute a solicitation, invitation or investment recommendation. Prior to selecting a financial product or fund it is recommended that investors seek specialised financial, legal and tax advice. Fairtree Capital (Pty) Ltd accepts no liability of any kind resulting from reliance being placed on any information contained on this website. Fairtree Capital (Pty) Ltd endeavours to provide accurate and timely information, but makes no representation or warranty as to the correctness, accuracy, completeness or suitability of any of the information contained on this website. The laws of the Republic of South Africa shall govern any claim relating to or arising from the contents of this website.

 


Yes, Please Proceed    Sorry I cannot Accept Terms